भरतपुर । चितवनको भरतपुर अस्पतालको आइसोलेसनमा उपचाररत १ कोरोना भाइरस संक्रमित युवक भागेका छन्।
भरतपुर महानगरपालिका–१२ का १९ वर्षीय युवक मंगलबार बिहान ५ बजे आइसोलेसनबाट भागेको जिल्ला प्रहरी कार्यालय चितवनले जनाएको छ ।
प्रहरीका अनुसार यही भदौ ५ गते कोरोना संक्रमण पुष्टि भएसँगै उनलाई भरतपुर अस्पतालको आइसोलेसनमा ल्याएर उपचार गराइएको थियो।
केही दिनअघि उनी चोरीको आरोपमा पक्राउ परेका थिए । प्रहरीले अनुसन्धान जारी राख्दै परिवारको जिम्मा लगाएको थियो ।
उनमा कोरोना पोजेटिभ देखिएपछि अनुसन्धान जारी राख्दै परिवारलाई जिम्मा लगाएर अस्पतालको आइसोलेसनमा राखेको जिल्ला प्रहरी कार्यालयका प्रवक्ता सूर्यबहादुर थापाले बताए ।
अस्पतालको आइसोलेसनबाट भागेका उनको खोजी भइरहेको प्रहरीले जनाएको छ । अहिले अस्पतालको आइसोलेसनमा ६८ संक्रमितको उपचार भइरहेकाे छ ।
यसअघि सप्तरीमा पनि कोरोना संक्रमित आइसोलेसनबाट भागेका थिए। पछि प्रहरीले घरमा लुकेको अवस्थामा पक्राउ गरेको थियो ।
प्रकाशित मिति: मंगलबार, भदौ ९, २०७७
-1732776560.jpg)
