रौतहट । बागमती नदीमा नुहाउने क्रममा बगेर ३ जना बालिका बेपत्ता भएका छन् ।
रौतहटको गढीमाई नगरपालिका वडा नम्बर ७ स्थित धरमपुरटोलका भदै मुखियाकी १० वर्षीया छोरी पिंकु, लक्षुमण दासकी १२ वर्षीया छोरी सुसिता र छटु मुखियाकी १० वर्षीया छोरी चञ्चल नदीमा डुबेर बेपत्ता भएका हुन् ।
उनीहरु गाउँ नजिकैको बाग्मती नदीमा नुहाउने क्रममा बेपत्ता भएकाे प्रहरीले जनाएकाे छ । सँगै नुहाउन गएकी अर्चनाले बालिका डुब्दै गरेको देखेपछि स्थानीयलाई खबर गरेकी थिइन् ।
बालिकाहरु नदीमा हराएको खबर पाउना साथ धरमपुर चौकी, समनपुर इलाका प्रहरी कार्यालयबाट खटिएको प्रहरीको टोली र स्थानीयहरूले बेपत्ता बालिकाहरुको खोजी गरिरहेको रौतहटका प्रहरी उपरिक्षक रविराज खड्काले जानकारी दिएका छन् ।
प्रकाशित मिति: आइतबार, भदौ ७, २०७७
