वीरगन्ज । जिल्ला प्रहरी कार्यालय पर्साको हिरासतमा रहेका २ जना कोरोना संक्रमित पुरुष वीरगन्ज हेल्थ केयर अस्पतालबाट भागेका छन् ।
संक्रमण देखिएपछि उपचारका लागि भर्ना भएका उनीहरु अस्पतालका स्वास्थ्यकर्मी तथा सुरक्षा गार्डको आँखा छल्दै फरार भएका हुन् ।
कोरोना विशेष अस्पतालबाट संक्रमित थुनुवाहरु फरार भएको जानकारी प्राप्त भएको पर्सा प्रहरी प्रमुख एसपी गंगा पन्तले जानकारी दिइन् । उनले फरार भएका संक्रमित थुनुवाहरुको खोजी तथा यसबारेमा अनुसन्धान जारी रहेको बताइन् ।
गत भदौ १ गते हिरातमा रहेका उनीहरूलाई संक्रमण पु्ष्टि भएपछि अस्पताल भर्ना गरिएको थियो । पन्तले वीरगन्ज निवासी उनीहरू सार्वजनिक मुद्दाको कसुरमा हिरासतमा रहेको जनाइन् ।
प्रकाशित मिति: आइतबार, भदौ ७, २०७७
-1732776560.jpg)
