काठमाडौँ । गृहमन्त्री रामबहादुर थापा बादलको स्कर्टिङमा हिँडेकाे गाडीले स्कुटरलाई ठक्कर दिँदा २ जना घाइते भएका छन् ।
बा १ झ ५५९४ नम्बरको जिपले बा ९४ प १०२५ नम्बरको स्कुटरलाई मंगलबार बिहान साढे ९ बजेतिर सिंहदरबारको पश्चिम गेट नजिकै ठक्कर दिएको हो ।
गृहमन्त्रीलाई लिन मन्त्री निवास पुल्चोक गइरहेका बेला प्रहरी जिपले स्कुटरलाई ठक्कर दिएको हो । दुर्घटनामा स्कुटर चालक नुवाकोटको कविलास गाउँपालिका– की २२ वर्षीया लीला थापा र २६ वर्षीया सुदा थापा घाइते भएको प्रहरीले जनाएकाे छ ।
उनीहरू दुबै जनालाई उपचारका लागि वीर अस्पतालको ट्रमा सेन्टर लगिएको छ भने ठक्कर दिने जिप सिंहदरबार प्रहरी वृत्तमा राखिएको छ ।
प्रकाशित मिति: मंगलबार, भदौ २, २०७७
