तुलसीपुर । सानो राप्ती नदीमा मोटरसाइकल खस्दा दाङमा गएराति १ जनाको मृत्यु भएको छ । दुर्घटनामा १ जना बेपत्ता भएका छन् ।
लु ५७ प ११०० नम्बरको मोटरसाइकलमा लमहीबाट–गढवा जाँदै गर्दा राति करिब ११ बजे बलरामपुरस्थित सानो राप्ती नदीको पुलमा ठोक्किँदा मोटरसाइकलसहित दुवै जना नदीमा खसेको वडा प्रहरी कार्यालय गढवाका प्रहरी निरीक्षक प्रज्वल थपलियाले बताए ।
घटनामा दाङको गढवा गाउँपालिका–७ चन्दनपुर निवासी २६ वर्षीय सुरजनारायण चौधरी मृतावस्थामा फेला परेका छन् भने मोटरसाइकलमा उनीसँगै सवार सोही ठाउँका २७ वर्षीय मनोज चौधरी बेपत्ता भएका छन् ।
बेपत्ता मनोजको सशस्त्र प्रहरीको गोताखोरद्वारा खोजी जारी रहेको प्रहरीले जनाएकोे छ । मृतकको शवलाई लमही अस्पतालमा राखिएको छ ।
प्रकाशित मिति: आइतबार, साउन ३२, २०७७
