हेटौडा । पूर्वपश्चिम राजमार्ग अन्तरगत हेटौंडा–३ तिनताप्केमा भएको सवारी दुर्घटनामा परी २ जना मृत्यु भएकाे छ भने १ जना घाइते भएका छन् ।
मृत्यु हुनेमा मनहरी गाउँपालिका वडा नम्बर ५ डिल्लीपुरका आन्दाजी ३२ बर्षीय बाबुराम रुम्बा र अन्दाजी ३५ वर्षीय अमृत लोप्चन रहेको प्रहरीले जानकारी दिएको छ ।
मकवानपुरका प्रहरी नायब उपरीक्षक ईन्द्रबहादुर रानाका अनुसार हेटौंडाबाट नारायणगढतर्फ जाँदै गरेको ना ६ ख १६११ नम्बरको ट्रक र बस्तीपुरबाट हेटौंडा बजारतर्फ आउँदै गरेको ना २ ह ३४६६ अटो बिहीबार ठोक्किँदा दुर्घटना भएको हो ।
दुर्घटनामा परी गम्भीर घाइते भएका अटाे चालक मनहरी गाउँपालिका वडा नम्बर ५ वसन्तपुर बस्ने ४७ वर्षीय ठुलोकान्छा खड्काको हेटाैंडाकाे चुरेहिल अस्पतालमा उपचार भइरहेकाे उनले बताए ।
प्रकाशित मिति: बिहीबार, साउन २९, २०७७
