काठमाडौं । काठमाडौंको टोखा नगरपालिका–१० स्थित गोंगबु गणेशस्थानमा सुटकेसमा फेला परेको शवको पहिचान खुलेको छ ।
उक्त शव दाङका कृष्णबहादुर बोहराको भएको महानगरीय प्रहरी कार्यालयका डिआइजी विश्वराज पोखरेलले जानकारी दिए ।
मृतक बोहरा काठमाडौंको नयाँ बजारस्थित एक गार्मेन्टमा कार्यरत रहेको खुलेको प्रहरीले बताएको छ ।
आइतबार बिहान गोंगबुको गणेशस्थाननजिकै सुटकेसभित्र टाउको नभएको शव फेला परेको थियो । पानीले भिजेर रगत बगेपछि स्थानीयले प्रहरीलाई खबर गरेका थिए ।
प्रहरीले शवको टाउको डग स्कुलबाट तालिम प्राप्त कुकुरको मद्दतबाट फेला पारेको थियो । पोस्टमार्टमका लागि शव महाराजगन्जस्थित टिचिङ अस्पतालमा राखिएको छ ।
शवको पहिचान हुन नसक्दा प्रहरीलाई अनुसन्धानमा सयस्या भएको थियो । सोही कारण प्रहरीले उनको तस्बिर सार्वजनिक गरेर चिन्ने व्यक्तिलाई प्रहरीमा खबर गर्न अनुरोध गरेको थियो ।
प्रहरीले तस्बिर सार्वजनिक गरेको केही घण्टामै उनको शवको पहिचान भएको हो ।
प्रकाशित मिति: सोमबार, साउन २६, २०७७
-1732776560.jpg)
