काठमाडौं । सिन्धुपालुचाेककाे मेलम्ची बजारमा गएराति खसेकाे पहिरोमा पुरिएका ८ जनाकै शव फेला परेको छ । सेना, प्रहरी तथा स्थानीयले उद्धार गरी पुरिएका शव निकालेका हुन् ।
पहिराेमा परी मृत्यु हुनेमा ४२ वर्षीय राजेन्द्र चौरसिया, ३५ वर्षीय प्रदीप चौरसिया, २५ वर्षीय विक्रम थिंग, २३ वर्षीय मानबहादुर रुम्बा, २० वर्षीय सिमन घलान, २१ वर्षीय शिवबालक धामी, १७ वर्षीय सोनाम लामा र भारतीय नागरिक राजेन्द्र चौधरी छन् ।
बजारको पिपलबोट नजिकै कभर्ड हल निर्माण भइरहेको ठाउँमा पहिरो खस्दा साेही कभर्ड हल निर्माणमा खटिएका ८ जना कामदार बेपत्ता भएका थिए।
सडक नजिकै रहेको टहरोमा पहिरो खस्दा पुरिएका ९ जनामध्ये ८ जनाकाे मृत्यु भएको इलाका प्रहरी कार्यालय मेलम्चीका प्रहरी निरीक्षक फलबहादुर तामाङले जानकारी दिए ।
अर्का १ जना भारतीय नागरिक बारु साहलाई भने जीवितै उद्धार गरी हेलिकाेप्टरमार्फत काठमाडौंको ह्याम्स अस्पताल पठाइएको तामाङले जानकारी दिए ।
प्रकाशित मिति: सोमबार, साउन १९, २०७७
