चितवन । विराटनगरबाट काठमाडौंतर्फ आउँदै गरेकाे मालबाहक कन्टेनर इच्छाकामना गाउँपालिका–५ नाग्दीखोला नजिकबाट त्रिशूली नदीमा खसेर बेपत्ता भएको छ।
जिल्ला प्रहरी कार्यालय चितवनका अनुसार ना ३ ख ८९८७ नम्बरको कन्टेनर र काठमाडौंबाट नारायणगढतर्फ छुटेको ना ६ ख ५६८७ नम्बरको ट्रक ठोक्किँदा कन्टेनर त्रिशूलीमा खसेको हो।
ट्रकका चालक भने हाम्फालेर बाँच्न सफल भएका छन् । उनी सामान्य घाइते भएका छन् । प्रहरीका अनुसार उनको स्थानीय मेडिकलमा उपचार भइरहेको छ ।
कन्टेनरमा भाटभटेनी सुपरमार्केटको सामान रहेको जनाइएको छ । बेपत्ता कन्टेनरको खोजी भइरहेको जिल्ला प्रहरी कार्यालयका प्रवक्ता सूर्यबहादुर थापाले बताए ।
प्रकाशित मिति: बिहीबार, साउन १५, २०७७
