सप्तरी । आफ्नै श्रीमतीलाई मट्टीतेल छर्केर आगो लगाउने व्यक्ति पक्राउ परेका छन् ।
सप्तरीको सुरुङ्गा नगरपालिका ३ दौलतपुरका दिपेन सदालाई प्रहरीले पक्राउ गरेको हो ।
उनले बुधबार २७ वर्षीया श्रीमतीलाई मट्टितेल छर्की आगो लगाएको प्रहरीले जनाएको छ । आगोले जलेर श्रीमती घाइते भएकी छिन् ।
प्रहरी चौकी लक्ष्मीपुर र इलाका प्रहरी कार्यालय भेडियाबाट खटिएको प्रहरीले उनलाई पक्राउ गरेको हो । घाइतेलाई सप्तऋषि अस्पताल लाहान हुँदै थप उपचारको धरानतर्फ लगिएको छ।
यस सम्बन्धमा प्रहरीले थप अनुसन्धान गरिरहेको छ।
प्रकाशित मिति: बिहीबार, साउन ८, २०७७
-1732776560.jpg)
