काठमाडौं । अपहरणमा परेको भनेर प्रहरीमा उजुरी परेपछि खाेजी भइरहेका व्यक्ति होटलमा युवतीसँग भेटिएका छन् ।
अपहरण भएको भनेर महानगरीय अपराध अनुसन्धान महाशाखा, बानेश्वरले खोजी गरिरहेका व्यक्ति काठमाडौं–४, चुनदेवीका ३० वर्षीय शक्तिराज रेग्मी होटलमा भेटिएका हुन् ।
घरबाट सम्पर्कविहीन भएर अपहरणकाे नाटक गर्ने रेग्मीलाई प्रहरीले पक्राउ गरेकाे छ ।
महाशाखाका अनुसार रेग्मी घरबाट निस्किएर सम्पर्कविहीन भई अपहरणको नाटक गरी नयाँ बसपार्कस्थित सुगन्ध होटल बसिरहेका थिए । उनलाई प्रहरीले युवतीसँग बसिरहेको अवस्थामा फेला पारेको थियो।
उनले विभिन्न व्यक्तिहरूसँग जग्गा व्यवसाय गर्छु भनी करोडौं रुपैयाँ लिएको र पैसा तिर्न नपरोस् भनी अपहरणको नाटक गरेको हुन सक्ने महाशाखाका प्रवक्ता एसपी ईश्वर कार्कीले जानकारी दिए ।
साउन २ गते रेग्मी अपहरणमा परेको निवेदन परेपछि प्रहरीले अनुसन्धान सुरु गरेको थियो ।
प्रकाशित मिति: बुधबार, साउन ७, २०७७
-1732776560.jpg)
