काठमाडौँ । नेत्र विक्रम चन्द (विप्लव) समूहले मंगलबार सुदूरपश्चिम बन्दको घोषणा गरेको छ ।
बन्दकाे घाेषणासँगै धनगढीस्थित सुदूरपश्चिम प्रदेशका ३ मन्त्रालय र प्रदेशसभा नजिकै बम भेटिएकाे छ ।
सेनाको बम डिस्पोजल टोलीले प्रदेश सरकारका आर्थिक मामिला तथा योजना मन्त्रालय, भौतिक पूर्वाधार विकास मन्त्रालय, सामाजिक विकास मन्त्रालय र प्रदेश सभा भवन नजिक फेला परेका बम डिस्पोज गरेको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक बिष्टका अनुसार सबै ठाउँमा प्रेसर कुकर भित्र शंकास्पद वस्तु राखिएको थियो ।
कैलालीकै लम्कीचुहा नगरपालिको कार्यालय अगाडि पनि सोही प्रकारको बम भेटिएको बिष्टले बताए । सेनाको टोली डिस्पोज गर्न त्यसतर्फ गएकाे छ ।
विपुलव समूहकाे बन्द आह्वान र जताततै बम भेटिन थालेपछि प्रहरीले सुरक्षा व्यवस्था कडा बनाएकाे छ ।
प्रकाशित मिति: मंगलबार, साउन ६, २०७७
-1732776560.jpg)
