काठमाडाैं । काठमाडौंमा साथीहरूसँग घुम्न गएका बेला शाैच गर्न बसेकाे बेला माथिबाट पहिराे खस्दा पुरिएर १ जनाकाे मृत्यु भएकाे छ ।
कागेश्वरी मनोहरा नगरपालिका वडा नम्बर १, गागलफेदीको सतीघट्टा भन्ने स्थानमा पहिरोले पुर्दा २२ वर्षीय नवराज गुरुङको मृत्यु भएको हाे ।
काठमाडौं प्रहरी प्रमुख एसएसपी श्यामलाल ज्ञवालीले उनको मृत्यु भएको पुष्टि गरेका छन् ।
प्रहरीका अनुसार सतीघट्टा घर भएका गुरुङ आइतबार साँझ साथीहरूसँग घुम्न निस्किएका थिए । घुम्दै जाँदा शाैच गर्नुपर्ने (दिसापिसाब) भएपछि उनी भित्तामा गएका थिए । साेही समयमा माथिबाट पहिराे झरेर उनलाई पुरेकाे हाे ।
पहिराे पन्छाएर उनकाे शव निकालेर पाेस्टमार्टमका लागि त्रिवि शिक्षण अस्पतालमा पठाइएकाे बाैद्ध प्रहरीले जनाएकाे छ ।
प्रकाशित मिति: सोमबार, साउन ५, २०७७
