हेटाैंडा । मकवानपुरमा मोटरसाइकल दुर्घटना हुँदा १ युवाको ज्यान गएको छ।
शनिबार अपराह्न मकवानपुरको भीमफेदी गाउँपालिका–१ भैसेको खोप्लाङ भन्ने स्थानमा मोटरसाइकल दुर्घटना हुँदा हेटौँडा उपमहानगरपालिका–१ का २५ वर्षीय युवा दिपेश पाण्डेको मृत्यु भएको प्रहरीले जनाएको छ ।
शनिबार भैसे पुगेर हेटौँडा फर्कने क्रममा मृतक पाण्डे सवार ना ६२ प ९७१५ नम्बरको मोटरसाइकल अनियन्त्रित भई दुर्घटना भएको जिल्ला प्रहरी कार्यालय मकवानपुरले जनाएको छ।
दुर्घटनामा गम्भीर घाइते भएका पाण्डेको उपचारका क्रममा हेटौँडा अस्पतालमा मृत्यु भएको प्रहरी नायब उपरीक्षक इन्द्रबहादुर रानाले जानकारी दिए।
प्रकाशित मिति: आइतबार, साउन ४, २०७७
