दाङ । कृष्णनगरबाट तुलसीपुरतर्फ आउँदै गरेको जिप घोराहीको मसोटमा दुर्घटना भएको छ ।
दुर्घटना हुँदा १ जनाको ज्यान गएको भने ४ जना घाइते भएका छन् । जिल्लाको घोराही उपमहानगरपालिका वडा नम्बर ३ मसोट खोलास्थित बिहीबार बिहान दुर्घटना हुँदा तुलसीपुर उपमहानगरपालिका वडा नम्बर १५ का १६ वर्षीय पदम वलीको ज्यान गएको हो ।
दुर्घटनामा परी घाइते भएका उनको उपचारका क्रममा ज्यान गएको प्रहरीले जनाएको छ ।
रा १ च ९६२ नम्बरको बलेरो जिप साढे ५ बजेतिर घोराही लमही सडकखण्डको मसोट नजिकै अनियन्त्रित भई भित्तामा ठोक्किएकाे थियाे ।
घाइतेमध्ये तुलसीपुर उपमहानगरपािलका वडा नम्वर १५ का ३८ वर्षीय भीमबहादुर वलीको हात र अनुहारमा चोट लागेको भएपनि अबस्था भने सामान्य छ । यसैगरी गम्भीर घाइते भएका २४ वर्षीय गोपाल श्रेष्ठ र १७ वर्षीय विशाल वलीको उपचार भईरहेको दाङका प्रहरी प्रवक्ता सुमित खड्काले जानकारी दिए ।
त्यस्तै, घटनामा परी घाइते भएका सोही ठाँउका २६ वर्षीय देवराज वलीलाई थप उपचारका लागि कोहलपुर रिफर गरिएकाे प्रहरीले जानकारी दिएकाे छ ।
प्रकाशित मिति: बिहीबार, साउन १, २०७७
