पाकिस्तानको उत्तरी वाजिरिस्तान क्षेत्रमा लुकिछिपी बसेका आतंकवादीहरुसँग भएको झडपका क्रममा ४ जना पाकिस्तानी सेनाको ज्यान गएको छ।
उक्त क्षेत्रमा आतंकवादीहरु लुकिछिपी बसेका सूचना पाएपछि पाकिस्तानको सैनिकले कारवाही थालेको थियो। उक्त कारवाहीका क्रममा सोमबार ४ पाकिस्तानी सैनिक मारिएको पाकिस्तान सरकारले जनाएको छ।
पाकिस्तानी सेनाले प्रकाशन गरेको सो विज्ञप्तिमा उत्तरी वाजिरिस्तानमा आतंकवादीहरुलाई खोजी गएको सेनामाथि लुकेर बसेका आतंकवादीहरुले हमला गरेका थिए ।
पाकिस्तानी सेनाले त्यसको जवाफी फायर गरेको र सेनातर्फ ४ जनाको ज्यान गएको पाकिस्तानका सैनिक अधिकारीले जनाएका छन्।
गत महिनामा पनि सोही क्षेत्रमा पाकिस्तानी सेनाका २ जना सदस्यको यसैगरी ज्यान गएको थियो । तर यस आक्रमणका विषयमा कुनै पनि आतंकवादी संगठनले भने केही बताएको छैन।
प्रकाशित मिति: मंगलबार, असार ३०, २०७७
