स्याङ्जा । स्याङ्जाको कालीगण्डकी गाउँपालिका वडा नम्बर ४ खहरे लाँकुरीथोकमा पहिरोले पुरिँदा १ जनाकाे मृत्यु भएकाे छ भने ३ जना बेपत्ता छन् ।
पहिराेमा परी बिर्घाका पूर्वगाविस अध्यक्ष ७० वर्षीय ईमानसिंह रानाको ज्यान गएको हाे ।
पहिरोमा परेका बिर्घाकै हुमाकन्त पाण्डे र बुद्ध रानाको उद्वार गरिएको छ । प्रेमचन्द्र पाण्डे, गिमानसिंह राना र टीका थापा बेपत्ता रहेको वडाध्यक्ष चक्रपाणि पाण्डले जानकारी दिए ।
साेमबार बेलुका गएको पहिरो हेर्न मंगलबार बिहान छिमेकीसँगै पुगेका अन्दाजी ७० वर्षका रानालाई माथिबाट झरेको पहिरोले पुरेको हाे ।
उद्वार कार्य जारी रहेको र विस्तृत विवरण आउन बाँकी रहेकाे वडाध्यक्ष पाण्डले बताए ।
प्रकाशित मिति: मंगलबार, असार ३०, २०७७
