काठमाडाैं । अवैध रूपमा मिर्गौला प्रत्यारोपण आरोपमा प्रहरीले चितवनको भरतपुर मेडिकल कलेज (कलेज अफ मेडिकल साइन्सेस) का ३ चिकित्सक, जनप्रतिनिधिसहित १२ जनालाई पक्राउ गरेको छ ।
अवैध रुपमा मिर्गौला प्रत्यारोपण गरेको अभियोगमा उनीहरुमध्ये ३ जनालाई चितवन र ९ जनालाई ललितपुरबाट शनिवार राति नियन्त्रणमा लिइएको हो । नेपाल प्रहरीको मानव बेचबिखन अनुसन्धान ब्युरोको टोलीले उनीहरूलाई पक्राउ गरेको हो ।
पक्राउ पर्नेमा ललितपुर महानगरपालिकाका एक वडाध्यक्ष समेत छन् । वडाध्यक्षले नक्कली नाता प्रमाणित गरेको बताइएकाे छ ।
अवैध मिर्गौला प्रत्यारोपणको घटनामा प्रहरीको पनि संलग्नता पाइएको छ ।
घटनामा संलग्नता भएको आरोपमा प्रहरीले गुल्मी रेसुंगा नगरपालिका २ का प्रहरी सहायक निरीक्षक (असई) भीमप्रसाद ढकाल र यसअघि पनि मिर्गौला तस्करीमा मुछिएका निलम्बित प्रंहरी नायब निरीक्षक (सई) योगेन्द्रराज थपलियालाई पनि पक्राउ गरेकाे छ ।
उनीहरूलाई म्याद थपका लागि जिल्ला अदालत ललितपुर लगिएको प्रहरीले जानकारी दिएको छ।
चितवनको कलेज अफ मेडिकल साइन्सेज नक्कली कागजात खडा गरी विदेशमा रहेका व्यक्तिको विवरण प्रयोग गरी तेस्रो व्यक्तिको मिर्गौला झिकिएको घटना बाहिरिएको थियो ।
प्रकाशित मिति: आइतबार, असार २८, २०७७
-1732776560.jpg)
