खाँदबारी । संखुवासभाको सिलिचोङ गाउँपालिकामा शनिबार राति गएको पहिरोमा परी ११ जना बेपत्ता भएका छन् ।
संखुवासभा प्रहरीका अनुसार त्यस क्षेत्रममा पहिरोले ८ वटा घर बगाए छ । सिलिचोङ गाउँपालिका-१ बेसिन्दामा भीमबहादुर राईसहित ८जनाको घर बगाउँदा ११ जना बेपत्ता भएका हुन् ।
जिल्ला प्रहरी कार्यालय संखुवासभाका डिएसपी नवराज मल्लका अनुसार पहिरोमा पुरिएकाहरूको खोजी र उद्धारका लागि घटनास्थलतर्फ प्रहरी पठाइएकाे छ । नजिकैको प्रहरी चौकीबाट घटनास्थलमा पुग्न ४ घन्टा लाग्छ ।
सिलिचोङ गाउँपालिका-२ स्थित सिसुवा प्रहरी चौकी र वडा नम्बर ३ मा रहेको ताम्गुको प्रहरी टोली घटनास्थलतर्फ गएको डिएसपी मल्ले जानकारी दिए ।
घटनास्थल विकट स्थानमा रहेको र पानी पर्ने क्रम नरोकिएकाले बाटाेमा पहिरो गइरहेकाले प्रहरीलाई त्यहाँ पुग्न कठिनाइ भइरहेकाे समाचार प्राप्त भएकाे छ ।
प्रकाशित मिति: आइतबार, असार २८, २०७७
