बलिउडकी चर्चित काेरियाेग्राफर सरोज खानको बिहीबार राति मृत्यु भएको छ ।
सरोज खान पछिल्लो केही समयदेखि बिरामी थिइन् । जुन २० मा उनलाई स्वास फेर्न कठिन भएपछि मुम्बईको एक अस्पतालमा भर्ना गरिएको थियो । उनको कोरोना संक्रमण पनि जाँच भएको थियो तर रिपोर्ट नेटेटिभ आएको थियो ।
७२ वर्षीया सरोजका पतिसँगै २ छोरी र १ छोरा छन् । बलिउडमा झण्डै ४ दशक काम गरेकी सरोजले ४ हजार बढी गीतमा नृत्य निर्देशन गरेकी छन्।
नृत्य निर्देशनमा तीन पटक राष्ट्रिय अवार्ड जितेकी सरोजले नृत्य निर्देशन गरेका चर्चित गीतमा संजय लीला भन्साली निर्देशित 'देवदास' सिनेमाको 'डोला रे डोला', माधुरी दिक्षित अभिनित 'तेजाब' सिनेमाको 'एक दो तीन' र 'जब वी मेट' सिनेमाको 'ए इश्क हाय' लगायतका छन्।
प्रकाशित मिति: शुक्रबार, असार १९, २०७७
