चर्चित भारतीय कलाकार सुशान्तसिंह राजपुतले आत्महत्या गरेपछि विक्षिप्त बनेकी उनको भाउजूको पनि मृत्यु भएको छ ।
भारतीय सञ्चारमाध्यमहरूका अनुसार देवर राजपुतको आत्महत्याको खबर सुनेपछि शोकले ग्रस्त सुधा देवीको मृत्यु भएको हो ।
देवरको निधनको खबर सुनेकीबिहारको पूर्णिया जिल्ला मलडिहा निवासी सुधा देवी विक्षिप्त बनेकी थिइन् । सोमवार अपराह्न मुम्बईमा सुशान्तको दाहसंस्कार हुँदै गर्दा गाउँमा भाउजूकाे पनि मृत्यु भयाे ।
उनले देवरको आत्महत्याको खबरलाई सहन सकिनन् । सुशान्तको पैतृक गाउँ पूर्णिया जिल्लाको मलहीहामा पर्छ । भाउजु काकाको छोरा (दाई)की श्रीमती हुन् ।
छोराको मृत्युको शोकमा रहेको परिवार बुहारीको पनि मृत्यु भएपछि थप शोकमा परेको छ । सुशान्तको असामयिक र अचानक निधनले प्रशंसक, परिवार र चलचित्रकर्मीहरुलाई स्तब्ध बनाएको छ ।
प्रकाशित मिति: मंगलबार, असार २, २०७७
