दमक । झापाको दमक नगरपालिका–२ स्थित हुम्सेदुम्से सामुदायिक वनभित्रको रिसोर्टमा काम गर्ने क्रममा १ जनाको करेन्ट लागेर मृत्यु भएको प्रहरीले जनाएको छ ।
मृत्यु हुनेमा सल्यान जिल्ला कालिमाटी गाउँपालिका–४ बस्ने २६ वर्षीय चित्रबहादुर ओली छन् । शुक्रबार दिउँसो रिसोर्टभित्र काम गर्ने क्रममा बा १ क ८०९६ नम्बरको जेसिबीले बिजुलीको तार छोई करेन्ट लाग्दा उनी घाइते भएका थिए ।
घाइते ओलीलाई उपचारका लागि आम्दा अस्पताल दमक लैजाँदै गर्दा बाटोमा मृत्यु भएको जिल्ला प्रहरी कार्यालय झापाले जनाएको छ ।
उनी जेसिबीका सहचालक हुन् । उनको शव आम्दा अस्पताल दमकमा रहेको जिल्ला प्रहरी कार्यालय झापाका प्रहरी निरीक्षक साकारराज पन्तले जानकारी दिए ।
प्रकाशित मिति: शनिबार, जेठ २४, २०७७
