ताप्लेजुङ । अख्तियार दुरुपयोग अनुसन्धान आयोगले २ लाख रुपैयाँ घूस लिएको अभियोमगा ताप्लेजुङका २ सहायक वन अधिकृतलाई पक्राउ गरेको छ ।
डिभिजन वन कार्यालय ताप्लेजुङका सहायक वन अधिकृतद्वय वीरेन्द्र शाह र जीवनकुमार यादवलाई मंगलबार साँझ २ लाख लाख घूस लिएको अभियोगमा पक्राउ गरिएको हो ।
उनीहरुले सेतक चिनीको छोडपुर्जी बनाएबापत सेवाग्राहीसँग घूस माग्ने गरेको भन्ने सूचना आयोगमा पुगेको थियो । सोहीअनुसार आयोगको इटहरी कार्यालयबाट खटिएको टोलीले सेवाग्राहीबाट १-१ लाख घूस लिएको अभियोगमा नियन्त्रणमा लिइएको आयोगको कार्यालय इटहरीका प्रमुख चक्रबहादुर बुढाले जानकारी दिए ।
नियन्त्रणमा लिइएका दुवै जनालाई थप अनुसन्धानका लागि काठमाडौं पठाइने बताइएको छ । आयोगका अनुसार सेवाग्राही र सेवा प्रदायकबीच कार्यालयमा नै घूस रकमको लेनदेन भएको थियो ।
प्रकाशित मिति: बुधबार, जेठ २१, २०७७
-1732776560.jpg)
