काठमाडौं । नेपालमा थप ६ जनामा कोरोना संक्रमण पुष्टि भएकाे छ ।
स्वास्थ्य तथा जनसंख्या मन्त्रालयको नियमित मिडिया ब्रिफिङका क्रममा प्रवक्ता डा. विकास देवकोटाले थप ६ जनामा काेराेना देखिएकाे जानकारी दिए ।
उनका अनुसार अछामका ३२ वर्षीय १ जना, बर्दियाका ३ जना र पर्साका २ जनामा कोरोना संक्रमण देखिएको हो ।
यो सँगै नेपालमा कुल संक्रमितको संख्या ६ सय ८२ पुगेको छ । उनका अनुसार हालसम्म डिस्चार्ज हुनेको संख्या १ सय १२ जना छ ।
काेराेनाकै कारण ४ जनाले ज्यान गुमाइसकेकाे पनि उनले जानकारी दिए ।
प्रकाशित मिति: सोमबार, जेठ १२, २०७७
