सुर्खेत । हतियारसहित सम्पर्कविहीन भएको प्रहरी जवान मृत भेटिएका छन् ।
पूर्वी सुर्खेतमा सिम्ता गाउँपालिकाको आग्रीगाउँ प्रहरी चौकीमा कार्यरत प्रहरी जवान नरेन्द्र खड्का मृत भेटिएका हुन् । सुर्खेतको सिम्ता गाउँपालिका प्रहरी चौकी आग्रीगाउँमा ड्युटीमा रहेका प्रहरी जवान खड्का हतियारसहित सोमबार राति फरार भएको प्रहरीले जनाएको थियो ।
कर्णाली प्रदेश प्रहरी प्रमुख प्रहरी नायब महानिरीक्षक वसन्तकुमार पन्तले मंगलबार बिहान ९ बजेतिर चौकीदेखि १ किलोमिटर दूरीमा उनको शव फेला परेको बताए । जिल्ला प्रहरी कार्यालयले घटनाको अनुसन्धानका आग्रीगाउँतर्फ प्रहरी टोली परिचालन गरेको छ ।
जिल्ला प्रहरीका सूचना अधिकारी एवं प्रहरी निरीक्षक गोपाल रायमाझीले मृत्युको कारण नखुलेको बताए । घटनाको थप अनुसन्धान भइरहेको उनले बताए ।
प्रकाशित मिति: मंगलबार, वैशाख ३०, २०७७
-1732776560.jpg)
