काठमाडौं । पूर्वसचिव भीम उपाध्यायलाई जिल्ला अदालत काठमाडौंले धरौटीमा रिहा गर्न आदेश दिएको छ ।
आइतवार उनीविरुद्ध साइबर अपराध मुद्दा दर्ता भएको थियो । अदालतका न्यायाधीश भरतमणि खनालको इजलासले सोमबार पूर्वसचिव उपाध्यायलाई २५ हजार रुपैयाँ धराैटी जमानत लिएर छोड्न आदेश दिएकाे हाे ।
प्रहरीको केन्द्रीय साइबर ब्युरोले ५ दिनअघि उपाध्यायलाई ललितपुरको कुसुन्तीस्थित निवासबाट पक्राउ गरेको थियो । प्रहरीले उनलाई पक्राउ गरेको ३ दिनमै सरकारी वकिलमार्फत अदालतमा अभियोगपत्र दर्ता गरेको थियो ।
काठमाडौँ जिल्ला सरकारी वकिल कार्यालयले उपाध्यायविरुद्ध पाँच वर्ष कैद सजायको मागदावीसहित अभियोगपत्र दर्ता गरेको थियो ।
सामाजिक सन्जालमार्फत उनले धार्मिक आस्थामा आघात पुर्याएको आरोप प्रहरीले लगाएको थियो ।
प्रकाशित मिति: सोमबार, वैशाख १५, २०७७
-1732776560.jpg)
