काठमाडौँ । गृह मन्त्रालयले अपराध महाशाखा र काठमाडौं प्रहरी प्रमुखमा २ एसएसपीको सरुवा गरेको छ ।
गृहमन्त्री रामबहादुर थापाले शुक्रबार परिसरमा एसएसपी श्यामलाल ज्ञवाली र महाशाखामा एसएसपी दीपक थापालाई सरुवा गरेका हुन् ।
प्रहरी महानिरीक्षक ठाकुर ज्ञवालीका भाइसमेत रहेका श्यामलाल महानगरीय प्रहरी आयुक्तको कार्यालय रानीपोखरीमा कार्यरत थिए ।
यस्तै महानगरीय अपराध अनुसन्धान महाशाखा प्रमुखको जिम्मेवारी एसएसपी दीपक थापा प्रहरी प्रधान कार्यालयको आर्थिक प्रशासन महाशाखामा कार्यरत थिए ।
केही दिनअघि मात्रै अपराध महाशाखाका सहकुलबहादुर थापा र परिसरका प्रमुख उत्तमराज सुवेदी डिआइजीमा बढुवा भएपछि दुवै कार्यालय नेतृत्व विहीन थिए ।
सुवेदी सुदूरपश्चिम प्रदेश प्रहरी कार्यालयमा गएका छन् भने थापा केन्द्रीय अनुसन्धान ब्युरोमा गएका छन् ।
प्रकाशित मिति: शुक्रबार, वैशाख १२, २०७७
-1732776560.jpg)
