भक्तपुर । लकडाउनको अवधिमा जिल्ला अदालत भक्तपुरको आदेशमा ११ जना बन्दी रिहा भएका छन् ।
लकडाउनमा बाल सुधार गृहमा रहेका १० जना र मुलुकी फौजदारी कार्यविधि संहिताको दफा १५५ को निवेदनका आधारमा १ जना गरी ११ जना बन्दी रिहा भएको अदालतका श्रेष्तेदार घनेन्द्र अधिकारीले जानकारी दिए ।
अनुसन्धानका क्रममा अदालतको थुनछेक आदेशबाट पुर्पक्षका लागि बाल सुधार गृहमा पठाइएका १० जना र १ वर्षभन्दा कम सजाय भएकामध्येबाट संहिताको दफा १५५ नम्बरमा परेको निवेदन अनुसार १ जनालाई रिहा गरिएको श्रेष्तेदार अधिकारीले जानकारी दिए । उनले लकडाउनको समयमा पनि नियमित अदालत सञ्चालन गरी पेशी मुद्दा हेर्ने कामहरु भइरहको बताए ।
यसैगरी अदातलमा लकडाउन अवधिभर १० वटा अभियोगपत्र दर्ता भएको, २ वटा म्याद थप र २ वटा जरुरी पक्राउ पुर्जी जारी भएको अदालतले जनाएको छ ।
यसैगरी भक्तपुर जिल्ला अदालतका ५ जना न्यायाधीशसहितका कर्मचारीहरुको तलबबाट ३ लाख ७ हजार रुपैयाँ संघीय सरकारको कोरोना कोषमा प्रदान गरिएको श्रेष्तेदार अधिकारीले जानकारी दिए ।
५ जना न्यायाधीशहरुको ७ दिन बराबरको तलब, राजपत्रांकित द्वितीय र तृतीय श्रेणीका कर्मचारीहरुको ५ दिन बराबरको र रापअनं. र श्रेणी विहीन कर्मचारीको ३ दिन बराबरको तलब कट्टा गरी कोषमा जम्मा गरिएको हो ।
प्रकाशित मिति: बुधबार, वैशाख १०, २०७७
-1732776560.jpg)
