साेल । दक्षिण कोरियामा काेराेना भाइरसबाट संक्रमित विदेशीको संख्या ६० नाघेको छ ।
कोरिया सरकारले सार्वजनिक गरेको तथ्यांकअनुसार कोरियामा बस्ने चिनियाँ सबैभन्दा धेरै अर्थात् ३८ जना संक्रमित छन् । दोस्रामा अमेरिकी ७ जना छन् ।
त्यस्तै भियतनामी, मंगाेलियाली, थाइल्यान्डबासी, अस्ट्रेलियाली र अर्जेन्टिनी २-२ जना संक्रमित छन् ।
यसैगरी जापानी, इन्डाेनेसियाली, मलेसियाली, उज्वेकिस्तानी र पोल्यान्डबासी १-१ जना संक्रमित रहेको तथ्यांक कोरियाली सरकारले सार्वजनिक गरेको छ ।
हालसम्म कोरियामा रहेका कुनै पनि नेपालीलाई संक्रमण नभएको दक्षिण कोरियास्थित नेपाली राजदूतावासका श्रमसहचारी डिल्लीराम बाँस्तोलाले बताए ।
कोरियामा कोभिड–१९ को संक्रमणबाट ७५ जनाको ज्यान गइसकेको छ भने हालसम्म संक्रमित हुनेको संख्या ८ हजार १ सय ६२ पुगेको छ ।
प्रकाशित मिति: बुधबार, चैत ५, २०७६
