काठमाडाैं । पश्चिमी वायुको प्रभावले मंगलबार देशभर आंशिक बदली रही पहाडी भूभागका केही स्थानमा मेघगर्जन र चट्याङसहित वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
पश्चिमी वायुको प्रभावले अपरान्हपछि पूर्वी तथा मध्य पहाडी भूभागका १-२ स्थानमा मेघगर्जन र चट्याङसहित क्षणिक वर्षाको सम्भावना रहेको मौसमविद् मञ्जु बासीले बताइन् ।
उक्त प्रणाली पश्चिमी भूभागबाट प्रवेश गरेकाले यसको प्रभाव पश्चिमी भेगमा बढी पर्ने बताइएको छ । बुधबारदेखि पश्चिमी भूभागमा पश्चिमी वायु बढी सक्रिय हुने छ , मौसमविद् बासीले भनिन् ।
हाल देशका केही पश्चिमी भूभागलगायत मध्य र पूर्वी पहाडी भूभागमा आंसिक बदली र अन्य स्थानमा मौसम सामान्यतया सफा छ ।
राति देशभर आंशिकदेखि सामान्य बदली रही पहाडी भूभागका १-२ स्थानमा मेघगर्जन र चट्याङसहित वर्षाको सम्भावना रहेको बताइएको छ ।
बुधबार देशभर आंशिकदेखि सामान्य बदली भई पश्चिमी तथा मध्य भूभागका केही स्थानमा मेघगर्जन र चट्याङसहित वर्षाको सम्भावना रहेको औँल्याइएको छ ।
बिहीबार देशभर आंशिक बदली रही पहाडी भूभागका १–२ स्थानमा मेघगर्जनसहित वर्षाको सम्भावना रहेको मौसम पूर्वानुमान महाशाखाले जनाएको छ ।
मौसम पूर्वानुमान महाशाखाको पछिल्लो विवरणअनुसार मंगलबार काठमाडौँ उपत्यकाको न्यूनतम ताफक्रम ११.९ डिग्री र अधिकतम तापक्रम २४.८ डिग्री सेल्सियस छ । त्यस्तै आज सबैभन्दा धेरै धनगढी अधिकतम तापक्रम २८.७ डिग्री सेल्सियस छ । रासस
प्रकाशित मिति: मंगलबार, फागुन २७, २०७६
-1732776560.jpg)
