रंगेली । माेरङकाे रंगेली नगरपालिकाले आयाेजना गरेकाे १२औँ संस्करणको राष्ट्रपति रनिङ शिल्ड खेलकुद प्रतियोगिताकासम्पुर्ण खेल सम्पन्न भएका छन् ।
स्वास्थ्यका लागि खेलकुद, राष्ट्रका लागि खेलकुद भन्ने मूल नाराका सम्पन्न प्रतियाेगितामा नगरपालिकाभित्रका १२ वटा सामुदायिक र ७ वटा निजी विद्यालयका कक्षा ९ देखि १२ सम्मका विद्यार्थीहरू सहभगी थिए । प्रतियाेगितामा न्यु स्टार बोर्डिङ स्कुल दर्वेशा प्रथम, जनता माध्यमिक विद्यालय आमताेला द्वितीय र पव्लिक उच्च माध्यमिक विद्यालय तृतीय भए ।
भलिबलतर्फ सनरे बाेडिङ स्कुल विजयी भएको छ । कबड्डीतर्फ मिनिल्यान्ड बाेडिङ स्कुल विजयी भयाे ।
कार्यक्रमकाे प्रमुख अतिथि रंगेली नगरपालिकाका मेयर दिलीप बगडिया, कार्यकारी अधिकृत टाेम प्रसाद सुवेदी, शिक्षा शाखा प्रमुख रवीन्द्रकुमार पण्डित, वडाध्यक्ष रामचन्द्र मण्डल, स्थानीय सुरेश मिश्र लगायतले विजयीहरूलाई पुरस्कार र प्रमाणपत्र वितरण गरेका थिए ।
खेलमा प्रथम हुने लाई ११ हजार, द्वितीय ७ हजार र तृतीय हुनेलाई ५ हजार रुपैयाँ नगदसहित शिल्ड र प्रमाणपत्र वितरण गरियाे ।
प्रकाशित मिति: आइतबार, फागुन १८, २०७६
