काठमाडौँ । कलंकीमा ट्रकको ठक्करबाट साेमबार १ जनाको मृत्यु भएको छ भने ४ जना घाइते भएका छन् ।
थानकोटबाट कलंकीतर्फ आउँदै गरेको ना ६ ख २८७१ नम्बर ट्रकले ९ वटा सवारीसाधनलाई ठक्कर दिँदा चितवन घर भई हाल गोङ्गबु बस्ने ३३ वर्षीय शमशेर गुरुङको मृत्यु भएको छ ।
महानगरीय प्रहरी वृत्त कालिमाटीका प्रमुख प्रहरी नायब उपरीक्षक रुगम कुँवरले ब्रेक फेल भएको ट्रकले ९ वटा सवारीसाधनलाई ठक्कर दिएको जानकारी दिए ।
दुर्घटनामा घाइते भएका ४ जनाको उपचारका लागि राष्ट्रिय ट्रमा सेन्टर लगिएको छ । दुर्घटना गराउने ट्रक र चालकलाई प्रहरीले नियन्त्रणमा लिएको छ ।
प्रकाशित मिति: मंगलबार, फागुन १३, २०७६
