पोखरा । पोखराको फेवातालमा डुंगा पल्टिँदा १ जना बेपत्ता भएका छन् ।
बेपत्ता हुनेमा काठमाडौंका २५ वर्षीय सुमित लुइँटेल रहेको प्रहरीले जनाएको छ । खपौंदी भन्ने ठाउँतिर डुंगा पल्टिँदा उनी बेपत्ता भएका हुन् ।
आफैं डुंगा चलाएर गएका ३ जनामध्ये अरु २ जनाको भने उद्धार गरिएको प्रहरीले जनाएको छ ।
लाइफ ज्याकेटविनै डुंगा लिएर फेवातालमा गएकामध्ये रूपेश अधिकारी र सुबिन चालिसेको प्रहरीले उद्धार गरेको हाे । नेपाली सेना, सशस्त्र प्रहरी, नेपाल प्रहरी र स्थानीयले बेपत्ता भएका लुइँटेलको खोजी जारी राखेका छन् ।
प्रकाशित मिति: सोमबार, फागुन १२, २०७६
