चर्चित भारतीय टेलिभिजन शाे इन्डियन आइडल सिजन ११ का बिजेता सनी हिन्दुस्तानी बनेका छन् ।
आइतबार राति भएको अन्तिम स्पर्धामा अन्य ४ स्पर्धीलाई पछि पार्दै उनले इतिहास रचेका हुन् ।
कुनै समय बाटोमा जुत्ता पालिस गर्दै हिँड्ने निम्न वर्गीय परिवारका उनले सबैभन्दा धेरै भोट ल्याएर चर्चित रियालिटी शो जितेका हुन् । उनले २५ लाख रुपैयाँ र टि-सिरिजको आगामी गीतमा गाउने अवसर प्राप्त गरेका छन् ।
रोहित राउत टप २ मा पुगेका थिए भने टप ३ अनकोना मुखर्जी भइन् । त्यसैगरी टप ४ रिदम कल्याण र अद्रिज घोष टप फाइभ भए ।
अमृतसरका सनी इन्डियन आइडल ११ मा अडिसन दिनुअघि जीविकोपार्जनका लागि जुत्ता पालिस गर्थे । उनकी आमा भने बेलुन बेच्ने र घरघर पुगेर चामल माग्ने काम गर्थिन् ।
प्रकाशित मिति: सोमबार, फागुन १२, २०७६
