दमाैली । पृथ्वी राजमार्ग अन्तर्गत तनहूँको व्यास नगरपालिका–१२ कमलाबारीमा आइतबार बिहान भएको बस दुर्घटनामा परी २० जना घाइते भएका छन् ।
दमौलीबाट डुम्रेतर्फ जाँदै गरेको ना ७ ख २०६ नम्बरको बस र विपरिीत दिशाबाट आउँदै गरेको ना ५ ख २८५६ नम्बरको बस आपसमा ठक्कर खाँदा दुवै बसमा रहेका २० यात्रु घाइते भएका जिल्ला प्रहरी कार्यालयले जनाएको छ ।
घाइतेमध्ये ३ जनालाई भरतपुरस्थित चितवन मेडिकल कलेज र १ जनालाई थप उपचारका लागि पोखरा पठाइएको प्रहरी नायब उपरीक्षक लीलाराज लामिछानेले जानकारी दिए ।
अन्य घाइतेको दमौलीस्थित रत्नहरि र एपोलो अस्पतालमा उपचार भइरहेको छ । तीव्र गतिमा आएको ना ५ ख २८५६ नम्बरको बसले गलत दिशामा आएर अर्को बसलाई ठक्कर दिएको थियो । दुर्घटनापछि केहीबेर अवरुद्ध भएको सडक अहिले खुलिसकेकाे छ ।
प्रकाशित मिति: आइतबार, फागुन ११, २०७६
