धादिङ । सिमेन्ट बोकेको ट्रक त्रिशूली नदीमा खस्दा चालकको मृत्यु भएको छ भने सहचालक घाइते भएका छन् ।
नदीमा ट्रक खस्दा चालक बिखे थोकरको ज्यान गएको हो । धादिङको बेनिघाट रोराङ गाउँपालिका ९ को ज्यामिरेघाटबाट आइतबार बिहानीपख ना ५ ख ३७७७ नम्बरको ट्रक त्रिशूलीमा खस्दा घाइते भएका मकवानपुर भिमफेदी २ भैसेँका चालक थोकरको उपचारका क्रममा प्राथमिक स्वास्थ्य केन्द्र गजुरीमा ज्यान गएको प्रहरीले जनाएको छ ।
घाइते सहचालक सप्तरी रुपनगरका राजेश विक भने उपचारपछि घर फर्किएकाे प्रहरी नायब उपरीक्षक ‘डीएसपी’ रुपक खड्काले जानकारी दिए ।
प्रकाशित मिति: आइतबार, फागुन ११, २०७६
