काठमाडौं । लोकप्रिय गायक प्रमोद खरेलको स्वरमा रहेको गीत ‘धोकेबाज’ सार्वजनिक भएको छ ।
दिपेन्द्र पोख्रेल ‘देवेन’को शब्द, हरि लम्सालको संगीत, उदयराज पौडेलको एरेन्ज र चन्द्र चौधरीको मिक्सिङ/मास्टरिङ रहेको गीतको भिडियो सार्वजनिक भएको हो ।
शान थापको निर्देशन र राजिव समिरको कोरियोग्राफी रहेको गीतको भिडियोमा केकी अधिकारी, रेम्बो अधिकारी, रिया पोखरेल र संगीत वस्यालको अभिनय छ ।
बुद्ध थापाको छायांकन रहेको भिडियोमा दृश्य सम्पादन सुप्रिम पराजुलीले गरेका छन् । गीत जति राम्रो छ गीतको भिडियो त्यतिकै उत्कृष्ट बनेको छ ।
‘हामी सबैको मिहिनेतले एउटा राम्रो गीत र यसको भिडियो स्रोता/दर्शकमाझ पस्किएका छौँ । सबैको माया पाउनेमा हामी आशावादी छौँ’, सङ्गीतकार हरि लम्सालले भने ।
प्रकाशित मिति: मंगलबार, फागुन ६, २०७६
