काठमाडौं । कीर्तिपुरस्थित नेपाल एपीफ स्कुलको आयोजनामा जारी छैठौँ नेपाल एपीफए स्कुल कप फुटबल प्रतियोगिताअन्तर्गत सेमिफाइनल चरणका खेल सकिएका छन् ।
सोमबार भएको पहिलो खेलमा ल्याब्रोटरी माविलाई २–१ ले पराजित गर्दै ग्रिन भिलेज एजुकेसन फाउन्डेसन स्कुल फाइनलमा पुग्न सफल भएको छ । ग्रिन भिलेजका तर्फबाट गोविन्द सिंहले २ गोल गरे भने ल्याब्रोटरी माविका तर्फबाट रमेश केसीले सान्त्वना १ गोल गरे ।
त्यसैगरी आज भएको दोस्रो सेमिफाइनल खेलमा हारती शिक्षा मन्दिरलाई २–० को गोल अन्तरले पराजित गर्दै नेपाल पुलिस स्कुलले फाइनलको यात्रा तय गर्यो । नेपाल पुलिसका तर्फबाट सन्देश तामाङले १ गोल र आत्मघाती १ गोल भएको थियो ।
यसका साथै आज सम्पन्न २ खेलहरुमा उपविजेता भएका ल्याब्रोटरी मावि र हारती शिक्षा मन्दिरबीच तेस्रो स्थानका लागि बुधबार बिहान प्रतिस्पर्धा हुने छ ।
नेपाल पुलिस स्कुल र ग्रिन भिलेज एजुकेसन फाउन्डेसन स्कुलबीचको फाइनल स्पर्धा फागुन ८ गते बिहान १० बजे हुने नेपाल एपीएफ स्कुलका खेलकुद संयोजक राजकुमार प्याकुरेलले जानकारी दिए ।
प्रकाशित मिति: सोमबार, फागुन ५, २०७६
