चीनमा फैलिएको कोरोना भाइरसका कारण मृत्यु हुनेको संख्या आइतबारसम्ममा १ हजार ६ सय ६५ पुगेको छ ।
चिनियाँ स्वास्थ्य अधिकारीहरुले दिएको जानकारी अनुसार पछिल्लो एकै दिनमा थप १ सय ४२ जनाको मृत्यु भएको हो । चीनका ३१ वटा प्रान्तका थप २ हजार ९ जनामा कोरोनाको सङ्क्रमण देखिएको पनि जानकारी दिएका छन् ।
थप मृत्यु भएका मध्ये १ सय ३९ जना हुवेइ प्रान्तका छन् भने सिचुवान प्रान्तका २ र हुनान प्रान्तका १ जना छन् ।
चिनियाँ स्वास्थ्य आयोगका अधिकारीहरुले शनिबार मात्रै थप १ हजार ९ सय १८ जनामा नयाँ सङ्क्रमणको आशंका गरिएको छ ।
सङ्क्रमितमध्ये २ सय १९ जना शनिबार थप गम्भीर बिरामी भएका छन् भने १३ सय २३ जना स्वास्थ्यमा सुधार आएपछि घर फर्किएका छन् ।
कोरोना भाइरसबाट सङ्क्रमित हुनेहरुको कुल संख्या अहिलेसम्म ६५ हजार ५ सय पुगेको अधिकारीहरुले जानकारी दिएका छन् । उनीहरुले ११ हजार २ सय ७२ जनाको अवस्था सुधाराेन्मुख रहेको पनि बताएका छन् ।
सङ्क्रमित भएर उपचार गराइएकामध्ये अहिलेसम्म ९४ हजार १९ जना उपचारपछि घर फर्किएका छन् ।
आयोगले ५ लाख २९ हजार ४ सय १८ बिरामी नियमित सम्पर्कमा रहेको जनाएको छ । यो भाइरसको सङ्क्रमण सन् २०१९ को डिसेम्बरमा चीनको वुहानबाट देखिन थालेको हो भने यसको पहिचान पहिलो पटक डिसेम्बर ३१ मा भएको थियो ।
प्रकाशित मिति: आइतबार, फागुन ४, २०७६
-1732776560.jpg)
