सिन्धुली । केटीले प्रेम प्रस्ताव अस्वीकार गरेपछि जिल्ला प्रहरी कार्यालय सिन्धुलीमा कार्यरत १ प्रहरी जवानले आफैंलाई गोली हानेर आत्महत्या प्रयास गरेका छन् ।
महोत्तरीका प्रहरी जवान चन्द्रकिशोर रायले शुक्रबार बिहान आफ्नै पेटमा गोली हानेका हुन् । गोली लागेर उनी गम्भीर घाइते भएको जिल्ला प्रहरी कार्यालयले जानकारी दिएकाे छ ।
घाइते रायलाई सिन्धुली जिल्ला अस्पताल लगिएको थियो । त्यहाँ उपचार हुन नसकेपछि काठमाडौं लगिएको छ ।
उनका सहकर्मीका अनुसार, रायले भ्यालेन्टाइन डेको अवसर पारेर सहकर्मी महिला प्रहरीलाई प्रेम प्रस्ताव राखेका थिए । उनले अस्वकार गरेपछि रायले आफैलाई गोली हानेको उनका सहकर्मीले बताएका छन् । महिला प्रहरीले बोकेको पेस्तोल खोसेर आफैलाई गोली हानेको प्रत्यक्षदर्शीले बताएका छन् ।
घटनाको अनुसन्धान भइरहेको र बाँकी विवरण आउन बाँकी रहेकाे प्रहरीले जनाएको छ ।
प्रकाशित मिति: शुक्रबार, फागुन २, २०७६
-1732776560.jpg)
