काठमाडौं । साेमबार बिहानै आफ्नै निवासमा गम्भीर घाइते भएकी पूर्वसचिव अर्जुन कार्कीकी श्रीमती मुनाको मृत्यु भएको छ ।
घाइते अवस्थामा भेटिएकी मुनाको लतिलपुरस्थित स्टार अस्पतालमा उपचारकै क्रममा मृत्यु भएको हो ।
कार्कीको घरमा काम गर्ने दाङ घर भएका विजय चौधरीको भने शव फेला परेको छ ।
टाउकोमा गम्भीर चोट लागेर रगतले लतपतिको अवस्थामा उनी भान्सामा भेटिएकी थिइन । घटना कसले र किन गरायो भन्ने खुलेको छैन । घटनामा प्रयोग भएको हतियारबारे पनि प्रहरीले खुलाएको छैन ।
कामदारले नै कुनै कुरामा चित्त नबुझेर हत्या प्रयास गरेको र पछि आफैले आत्महत्या गरेको हुन सक्ने प्रहरीको आशंका छ ।
उनको शवमा कुनै चोटपटक छैन भने उनको शव फेला परेको स्थानमाथि डोरी पनि झुन्डिएको पाइएको छ ।
पूर्वसचिव कार्कीले बिहान पूजा गर्न पशुपतिनाथ मन्दिर गएर फर्किँदा बीभत्स अवस्थामा फेला पारेका थिए । कार्कीका १ छोरा र २ छोरी छन् । घटनाको समय छोरा पनि स्कूल गएको र उनलाई पुर्याउन अर्की कामदार किशोरी पनि घरबाहिर गएकाे बताइएकाे छ ।
घटनाबारे अनुसन्धान जारी रहेकाले विस्तृत विवरण आउन बाँकी छ ।
प्रकाशित मिति: सोमबार, माघ २७, २०७६
-1732776560.jpg)
