सिन्धुली । सिन्धुलीको बीपी राजमार्गअन्तर्गत सिन्धुलीमाडी–खुर्कोट सडकखण्डको खनियाखर्कमा जिप दुर्घटना हुँदा १ जनाको मृत्यु भएको छ ।
मृत्यु हुनेमा सप्तरीको कन्चनपुर नगरपालिकाका सह लेखापाल सुरेन्द्र नारायण चौधरी छन् । सोलाभन्ज्याङ र खनियाखर्क बीचको जंगलमा स १ च १००९ नम्बरको स्कार्पियाे जिप दुर्घटना हुँदा उनको घटनास्थलमै मृत्यु भएको हो । दुर्घटनामा परी अन्य १ जना घाइते भएका छन् । जिपमा २ जना सवार थिए ।
जिप सडकबाट करिब सय मिटर तल खसेको प्रहरीले जनाएको छ ।
प्रकाशित मिति: शुक्रबार, माघ १७, २०७६
