अफगानिस्तानको गजनी प्रान्तमा सोमबार एक यात्रुवाहक विमान दुर्घटना भएको छ ।
अफगानिस्तानका स्थानीय सञ्चार माध्यमले जनाए अनुसार सोमबार तालिबानले नियन्त्रण गरेको क्षेत्रमा सो विमान दुर्घटना भएको हो ।
प्रान्तीय गभर्नरका प्रवक्ताले स्थानीय समयअनुसार अपरान्ह १ः१० बजे देहयाक जिल्लामा विमान दुर्घटना भएको बताए । विमानमा कति यात्रु थिए र के कारणले दुर्घटना भएको भन्नेबारे यकिन जानकारी आइसकेको छैन ।
सुरुमा एरियाना एयरलाइन्सको विमान दुर्घटना भएको भनिए पनि उक्त एयरलाइन्सले समाचारको खण्डन गरेको छ । विमान देहातदेखि दिल्लीका लागि उडेको थियो ।
प्रकाशित मिति: सोमबार, माघ १३, २०७६
