लहान । सिरहाको सुखिपुरस्थित इलाका प्रहरी कार्यालयमा कार्यरत प्रहरी जवान राजकुमार यादवलाई बुधबार बिहान ५ हजार रुपैयाँ घूस लिएको आरोपमा अख्तियार दुरुपयोग अनुसन्धान आयोगको टोलीले पक्राउ गरेको छ ।
घरायसी प्रयोजनका लागि भारतीय बजार लदनियाँबाट समान ल्याउन सहयोग गरिदिने भन्दै स्थानीयबासीसँग लिएको घूससहित अख्तियार दुरुपयोग अनुसन्धान आयोग बर्दिवास महोत्तरीको टोलीले प्रहरी यादवलाई पक्राउ गरेको हो ।
पक्राउ परेका प्रहरी जवान यादवलाई आवश्यक अनुसन्धानका लागि अख्तियारको बर्दिवास कार्यालय लगिने अख्तियारले जनाएको छ ।
यसअघि आयोगको टोलीले करिब १९ लाख घूससहित लहानस्थित सडक डिभिजन कार्यालयका प्रमुख विनोद शाहसहित ३ इन्जिनियरलाई पक्राउ गरेको थियो ।
प्रकाशित मिति: बुधबार, माघ ८, २०७६
-1732776560.jpg)
