धादिङ । दर्शनार्थी चढेको मिनी ट्रक धादिङमा दुर्घटना हुँदा ६ जनाको मृत्यु भएको छ भने २५ जनाभन्दा बढी घाइते भएका छन् ।
धादिङको ज्वालामुखी गाउँपालिका-४ मन्डली दर्शन गरेर फर्केिएका दर्शनार्थी चढेको मिनी ट्रक दुर्घटना भएकाे प्रहरीले बताएको छ । निलकण्ठ नगरपालिका-८ मैदीभञ्ज्याङमा ग १ ख १२८० नम्बरको मिनीट्रक पल्टिएको हो ।
घाइतेहरूको जिल्ला अस्पताल धादिङमा उपचार भइरहेको छ । मृत्यु हुनेहरूको सनाखत भइनसकेको प्रहरीले बताएको छ ।
प्रकाशित मिति: मंगलबार, माघ ७, २०७६
