उदयपुर । उदयपुरको ताप्ली गाँउपालिका धपेनीमा बुधबार साँझ जिप दुर्घटना हुँदा २ यात्रुको घटनास्थलमै मृत्यु भएको छ भने ४ जना गम्भीर घाइते भएका छन् ।
ताप्लीकै रामपुरझिल्केबाट बछाङ्ग जाँदै गरेको मे १ ज २६६२ नम्बरको जिप दुर्घटना हुँदा दुई जनाको मृत्यु भएको इलाका प्रहरी कार्यालय कटारीले जनाएको छ । दुर्घटनामा परी मृत्यु हुनेको सनाखत नभएको प्रहरी नायब उपरीक्षक प्रेमसागर केसीले बताए ।
दुर्घटनामा परी चालक आशीष मगर, मतिलाल राई, बाबु राई र रसमाया राई गम्भीर घाइते भएका छन । उनीहरुलाई उपचारका लागि कटारी अस्पताल ल्याइदै गरेको प्रहरीले बताएको छ । जिप सडकबाट झण्डै डेढ सय मिटर तल खसेर दुर्घटना भएको हो ।
प्रकाशित मिति: बिहीबार, पुस २४, २०७६
