काठमाडौं । बाजुराको हिमाली गाउँपालीकाको केन्द्र धुलाचौरदेखि कोल्टी जाँदै गरेको जिप कर्णाली नदीमा खस्दा ४ जनाकाे मृत्यु भएकाे छ ।
से १ च १०६४ नम्बरको जिप नदीमा खस्दा जिप मालिकसमेत रहेका चालक बाजुरा जगन्नाथ ५ गोत्रीका अन्दाजी २५ वर्षीय रमेश शाहीसहित ४ जनाको मृत्यु भएको जिल्ला प्रहरी कार्यालय बाजुराका डिएसपी उद्धव सिंह भाटले जानकारी दिए।
घाइते ४ जनाको स्वास्थ्य चौकी कोल्टीमा उपचार भइरहेको छ । १ जना नदीमा हराइरहेकाे उपरीक्षक भाटले जानकारी दिए ।
हिमाली गाउँपालिकाको केन्द्र धुलाचौरदेखि कोल्टी जाँदै गरेको जिप दिउँसो साढे १ बजे सडकबाट नदीमा खसेको हो। दुर्घटनाको कारणबारे अनुसन्धान भइरहेको जिल्ला प्रहरी कार्यालय बाजुराले जनाएको छ। अन्य मृतकहरुको सनाखत हुन सकेको छैन ।
प्रकाशित मिति: बिहीबार, पुस १७, २०७६
