हेटौंडा । मकवानपुरको इन्द्रसरोवर गाउँपालिका ओखरेडाँडामा यात्रुबाहक जिप दुर्घटना हुँदा ३ जनाको मृत्यु भएको छ भने ६ जना घाइते भएका छन्। मृतकको पहिचान खुल्न नसकेको र मृत्यु हुनेमा १ महिला र २ पुरूष छन् ।
हेटौंडाबाट काठमाडौं आउँदै गरेको ना १ ज ३४३३ नम्बरको जिप रामचन्द्र भञ्ज्याङको पाटेखोलामा सडकदेखि करिब ५ सय मिटर तल खस्दा ५ जना पुरुष र १ जना महिला घाइते भएको पौडेलले जानकारी दिए । जिपका चालक समेत घाइते छन् ।
सिस्नेरी, छैमले, भिमफेदी र फर्पिङबाट आएको प्रहरी टोलीले घाइतेहरुको उद्धार गरी मनमोहन मेमोरियल अस्पताल फर्पिङमा उपचारका लागि पठाइएको प्रहरीले जनाएकाे छ ।
दुर्घटनाकाे कारण नखुले पनि तीव्र गतिका कारण दुर्घटना भएकाे हुन सक्ने प्रहरीले अनुमान गरेकाे छ ।
प्रकाशित मिति: शुक्रबार, पुस ११, २०७६
