भरतपुर । चितवनमा बसको ठक्करबाट साइकलयात्रीको मृत्यु भएको छ ।
भरतपुर महानगरपालिका–१ दियालो रोडमा बसले ठक्कर दिँदा राप्ती नगरपालिका–१३ बाक्सिलिङका १७ वर्षीय फिलिप प्रजाको मृत्यु भएको हाे ।
पुल्चोकबाट पोखरा बसपार्क जाँदै गरेको ना ४ ख ६३३० नम्बरको बसले बिहीबार बिहान साढे ७ बजेतिर साइकलयात्रीलाई ठक्कर दिएको हो ।
बसको ठक्करबाट घाइते साइकलयात्रीको भरतपुर अस्पतालमा उपचारका क्रममा बिहान ८ बजे मृत्यु भएकाे हो ।
बस प्रहरीकाे नियन्त्रणमा रहेको र फरार चालकको खोजी भइरहेको जिल्ला प्रहरी कार्यालय चितवनले जानकारी दिएको छ ।
प्रकाशित मिति: बिहीबार, पुस १०, २०७६
