राजविराज । पूर्व–पश्चिम राजमार्गअन्तर्गत सप्तरीको वीरेन्द्र बजारमा स्कार्पियो र मोटरसाइकल आपसमा ठोक्किँदा २ जनाको मृत्यु भएको छ ।
दुर्घटनामा परी मोटरसाइकल चालक सप्तरीको राजगढ गाउँपालिका–६ बस्ने ३५ वर्षीय राकेशकुमार यादवको घटनास्थलमै मृत्यु भएको प्रहरी नायब उपरीक्षक तिलक भारतीले जानकारी दिए ।
यस्तै मोटरसाइकलको पछाडि बसेका सोही गाउँपालिका बस्ने ३५ वर्षको प्रभात यादवको राजविराजस्थित गजेन्द्र नारायण अस्पतालमा उपचारका क्रममा आज मृत्यु भएको प्रहरी उपरीक्षक भारतीले जानकारी दिए ।
पूर्वबाट पश्चिमतर्फ जाँदै गरेको च १ च १३८१ नम्बरको स्कार्पियोले विपरीत दिशाबाट आउँदै गरेको स १० प ८२५ नम्बरको मोटरसाइकललाई ठक्कर दिएको थियो ।
प्रकाशित मिति: बुधबार, पुस ९, २०७६
